Deputat iclasa dərman gətirdi

“Apteklərdə nisyə dəftərləri görürük. Bu dövrdə nisyə dəftəri olmamalıdır”.
Qanunvehedef.az xəbər verir ki, bu fikirləri deputat Etibar Əliyev Səhiyyə komitəsinin iclasında bildirib.
“Özümlə bura dərman gətirmişəm. Qiyməti 35 manat olan dərman bağırsaq florasına faydalıdır. İçliyi oxuyuram (deputat dərman içliyini oxuyur – red.) yazılıb ki, dərman vasitəsi deyil, qida əlavəsidir. Xəstəliklərin müalicəsi üçün istifadə oluna bilməz. Bəs nə üçün istifadə olunmalıdır?! Sadə vətəndaş bu içliyi oxuyub bir çox sualla qarşı-qarşıya qalır”, - deyə deputat vurğulayıb.

Əbdülqəni Hüseynov