Donald Trampa İlon Maskdan şikayət etdilər

Böyük Britaniyada yüksəkvəzifəli siyasətçilər ABŞ-nin yeni seçilmiş Prezidenti Donald Trampı milyarder İlon Maskla münasibətləri yenidən nəzərdən keçirməyə çağırıblar. 
Qanunvehedef.az xəbər verir ki, bu barədə “Bloomberg” agentliyi yazıb.
Bildirilib ki, buna səbəb amerikalı sahibkarın Britaniyada daxili siyasi vəziyyətlə bağlı qiymətləndirmələri olub.
Bununla yanaşı, Trampın ABŞ-dəki həmfikirləri də İlon Maskın sosial şəbəkələrdə fəaliyyətindən narahat olduqlarını ifadə ediblər.
Belə ki, İ.Mask bir neçə gün əvvəl sahib olduğu “X” sosial şəbəkəsində paylaşım edərək Britaniyanın Baş naziri Kir Starmerin həbsxanaya göndərilməsini, sağçı fəal Tommi Robinsonun azad edilməsini, eləcə də “Reform UK” partiyasının lideri Naycel Farracın əvəzlənməsini təklif edib. Onun bu paylaşımları Britaniyada birmənalı qarşılanmayıb.
Qeyd edək ki, İlon Mask ötən ilin noyabrında ABŞ-də baş tutan prezident seçkiləri çərçivəsində Respublikaçı Donald Trampın seçkiqabağı kampaniyasına 250 milyon dollardan çox vəsait xərcləyib. Biznesmen, həmçinin Trampın xarici liderlərlə telefon söhbətlərində də iştirak edib. Yerli media milyarderin yeni administrasiyanın formalaşmasına təsir etdiyini yazıb. Mənbələrin sözlərinə görə, siyasətçinin komandası Maskın bu proseslərdə həddindən artıq fəal olmasından narazı olduqlarını bildiriblər.

Qanunvehedef.azшаблоны для dle 11.2