"Bayrağımızı Zəngəzurdan asacağıq!" - Azərin
Baxılıb: 562 Tarix: 14-06-2023 11:55
Xəbər verdiyimiz kimi, Bakıda, "Gülüstan" sarayında Prezident İlham Əliyevin dəvəti ilə ölkəmizə səfər etmiş Türkiyə Prezidenti Rəcəb Tayyib Ərdoğanın və xanımı Əminə Ərdoğanın şərəfinə təşkil olunmuş dövlət ziyafətində Xalq artisti Azərin "Çırpınırdı Qara dəniz" mahnısını səsləndirib.
Axşam.az xəbər verir ki, ifaçı sosial media hesabında tədbirlə bağlı təəssüratlarını bölüşüb.
"Bütün şəhidlərimizi rəhmətlə yad edirəm. Bayrağımız, torpağımız, gələcəyimiz uğrunda canından keçənlərə borcumuz var. Uğrunda canından keçdikləri əmanətlərə, birlik-bərabərliyə sahib çıxacağıq. Bayrağımızı Zəngəzurdan asacağıq! Yaşasın, Azərbaycan, Türkiyə!" deyə, Azərin paylaşımında yazıb.
Qeyd edək ki, müğənni mahnının sözlərini dəyişərək "Qafqazlardan aşmışıq biz, türklüyə şan qatmışıq biz. Azərbaycan bayrağını Qarabağdan asmışıq biz. Türkün şanlı bayrağını Qarabağda asmışıq biz" formasında oxuyub. Onun ifası Azərbaycan və Türkiyə liderləri tərəfindən ayaq üstə alqışlanıb.
Qanunvehedef.az
Ən çox oxunanlar
Son xəbərlər
