İddia: Koronaya qarşı ilk vaksin tapıldı - Video

İtaliya tədqiqatçıları dünyada koronavirusu məhv edə biləcək ilk vaksini hazırladıqlarını bildiriblər. Gəmiricilər üzərində test edilən vaksinin yaxın günlərdə insanlar üzərində də sınaqlarına başlanılacaq.
Qanunvehedef.az xarici mediaya istinadən xəbər verir ki, alimlər sınaq məqsədilə siçanlara iynə vurduqdan sonra onlardan anticisimlər götürüblər. Laboratoriya sınaqlarının ilkin nəticələri göstərib ki, anticisimlər koronavirusun insan hüceyrələrinə yoluxmasını dayandırmağa müvəffəq olub.
Vaksinin hazırlanması ilə məşğul olan şirkətin başçısı bildirib ki, dərmanın genişmiqyaslı sınaqları bu ilin payızına planlaşdırılıb. O iddia edib ki, bu, dünyada koronavirusu zərərsizləşdirən ilk vaksindir.