“Aİ-nin Ermənistandakı müşahidəçiləri regiona geosiyasi qarşıdurma gətirə bilər” - Rusiya XİN

“Ermənistanın sərhədyanı ərazilərində Avropa İttifaqının nümayəndələrinin peyda olması regiona geosiyasi qarşıdurma gətirə bilər”.
Qanunvehedef.az TASS-a istinadən xəbər verir ki, bu barədə Rusiya Xarici İşlər Nazirliyinin Avropa İttifaqının müşahidə missiyasının Ermənistana göndərilməsi ilə bağlı məsələyə şərhində bildirilib.
“Aİ-nin nəyin bahasına olursa olsun, Ermənistanda möhkəmlənməyə dair cəhdləri erməni və azərbaycanlıların təməl maraqlarına zərər vura bilər”, - deyə məlumatda qeyd olunub.
Xatırladaq ki, Aİ Ermənistana 2 il müddətinə müşahidə missiyasının göndərilməsi barədə qərar qəbul edib. Missiyanın öz fəaliyyətinə fevralın 20-si başlayacağı gözlənilir.