Saakaşvili: "Yerevanın hansısa universitetinin fəxri doktoru olmağımı xatırlamıram"
Baxılıb: 554 Tarix: 05-10-2020 12:44
Gürcüstanın sabiq prezidenti Mixeil Saakaşvili Yerevan Dövlət Universitetinin fəxri doktoru adından məhrum edilməsi məsələsinə münasibət bildirib.
Qanunvehedef.az Report-a istinadən xəbər verir ki, o, bu ali məktəbin fəxri doktoru olduğunu xatırlamadığını bildirib.
M.Saakaşvili "Mtavari arxi" telekanalına müsahibəsində fəxri doktor elmi dərəcələrinin çox olduğunu deyib: "Mən həqiqətən də xatırlamıram ki, Yerevanın hansısa universitetinin fəxri doktoru olmuşam. Allah onları qorusun, lakin bununla fəxri adlarım azalmayacaq".
Qeyd edək ki, M.Saakaşvili Azərbaycanın ərazi bütövlüyünə dəstək ifadə edəndən sonra Ermənistanın təhsil naziri Araik Arutyunyanın təşəbbüsü ilə Yerevan Dövlət Universitetinin fəxri doktoru adından məhrum edilib.
Ən çox oxunanlar
Son xəbərlər
