Daxili işlər orqanlarının əməkdaşları şəhid ailələrini ziyarət ediblər
Baxılıb: 784 Tarix: 27-09-2022 13:34
Paytaxtın Xəzər rayonu ərazisində daxili işlər orqanlarının əməkdaşları 27 sentyabr – Anım Günündə Vətən müharibəsində böyük şücaət və qəhrəmanlıq göstərərək torpaqlarımızın azad olunması uğrunda canlarından keçən şəhidlərin ailələrini ziyarət ediblər.
Görüşlərdə qəhrəmanlarımızın igidlik salnamələrindən danışılıb, onların keçdikləri şərəfli döyüş yolu xatırlanıb. Ölkəmizin müstəqilliyi və ərazi bütövlüyü uğrunda şəhid olmuş Vətən övladlarının xatirəsinin xalqımız tərəfindən daim əziz tutulduğu, Qarabağ müharibəsi əlilləri və şəhid ailələrinin dövlətimizin hərtərəfli diqqət və qayğısı ilə əhatə olunduğu qeyd edilib.
Şəhid ailələrinin üzvləri övladlarının Vətən torpağı uğrunda qəhrəmancasına vuruşaraq, igidlik və mərdlik nümunəsi göstərərək ən uca zirvə olan şəhidlik zirvəsinə ucalmasından qürur duyduqlarını deyiblər. Onlar göstərilən diqqət və qayğıya görə minnətdarlıqlarını bildiriblər.
Qanunvehedef.az Ən çox oxunanlar
Son xəbərlər
