Parlamentdə büdcə zərfinə daxil olan sənədlər II oxunuşda müzakirə edilir

Milli Məclisin payız sessiyasının bu gün keçirilən növbəti plenar iclasında 2023-cü ilin dövlət büdcəsi zərfinə daxil olan sənədlər ikinci oxunuşda müzakirəyə çıxarılıb.
Qanunvehedef.az verir ki, büdcə zərfinə "2023-cü ilin dövlət büdcəsi haqqında", " 2023-cü il üçün yaşayış minimumu haqqında", "2023-cü il üçün ehtiyac meyarının həddi haqqında", "Dövlət Sosial Müdafiə Fondunun 2023-cü il büdcəsi haqqında" və "İşsizlikdən sığorta fondunun 2023-cü il büdcəsi haqqında" qanun layihələri, Azərbaycan Respublikası Milli Məclisinin və Hesablama Palatasının gələn il üçün xərclər smetaları daxildir.
İclasda Baş nazir Əli Əsədov və hökumət üzvləri də iştirak edirlər.