“Ən çox qayda pozulması dayanma və durma ilə bağlıdır”

“Paytaxt ərazisində ən çox qayda pozulması dayanma və durma ilə bağlıdır”.
Qanunvehedef.az xəbər verir ki, bunu xüsusi avtobus zolaqları ilə bağlı mətbuat konfransında DYP-nin baş inspektoru Araz Əsgərli bildirib.
O qeyd edib ki, bunlar daha çox səkilərin, piyada zolaqlarının, avtobus dayanacaqlarının tutulması ilə bağlıdır: “Hələ də avtobus zolaqlarına istədiyimiz qədər məsuliyyətli münasibət yoxdur. Bu cür qayda pozuntuları kamera görüntüləri ilə araşdırıllr və hər birinə hüquqi qiymət verilir. Bu ilin yanvar ayından bu yana 11 ay ərzində Bakıda İnzibati Xətalar Məcəlləsinin 327.1-ci maddəsi - nişanın tələblərinin pozulmasına görə 40 mindən çox protokol tərtib olunub”.