Ağbənd keçid məntəqəsi layihələndirilir

“İşğaldan azad olunmuş ərazilərdə iki postumuz – Qazançı və Eyvazlı postları fəaliyyət göstərir”.
Qanunvehedef.az bunu Dövlət Gömrük Komitəsinin sədrinin vəzifəsini müvəqqəti icra edən Şahin Bağırov Milli Məclisin İqtisadi siyasət, sənaye və sahibkarlıq komitənin bu gün keçirilən iclasında Gömrük Məcəlləsində dəyişikliklərin müzakirəsi zaman deyib.
O qeyd edib ki, bu postlar Zəngilanda və Qubadlıdadır: “Eyvazlı postundan üç avtomobil keçib. İran sürücüləri müxtəlif bəhanələrlə yol vergisindən qaçmaq istəyirdilər. Son, həssas vaxtlarda heç bir hərəkət yox idi. İndi müəyyən hərəkət var. Azad edilmiş ərazilərdə layihələrimiz var. Hazırda biz Ağbənd keçid məntəqəsi üzərində işləyirik, layihələndirik”.