Qarabağdan Ermənistana 237 yaralı erməni aparılıb

Qarabağdan Ermənistana 237 yaralı aparılıb. 
Qanunvehedef.az “Sputnik Ermənistan”a istinadən xəbər verir ki, bu barədə məlumatı Ermənistanın Səhiyyə Nazirliyi yayıb.
Məlumata görə, 142 yaralı helikopter, 95 yaralı isə təcili tibbi yardım avtomobili ilə Ermənistana aparılıb. Bildirilir ki, yaralıların gətirilməsi prosesi davam etdirilir.
Xatırladaq ki, ötən gün Xankəndidə tibbi yardıma və qayğıya ehtiyacı olan insanların aparılması, eləcə də yerlərdə yardımın göstərilməsi üçün Ermənistandan içərisində tibbi heyətin olduğu helikopterin Qarabağa daxil olması təmin edilib. Bundan savayı, Xankəndi yaxınlığında benzin çəninin partlaması nəticəsində yaralanan şəxslərə yardım məqsədilə Azərbaycan tərəfindən tibbi ləvazimatlar göndərilib.