Şəhid övladları SOCAR-ın Türkiyə Baş Ofisində təlim keçdi - Fotolar

“Zəfər” Şəhid Ailələrinə Dəstək İctimai Birliyi və Türkiyənin Yeditepe Universitetinin təşkilatçığı, Azərbaycanın Rəqəmsal İnkişaf və Nəqliyyat Nazirliyinin tərəfdaşlığı ilə ölkəmizin ali təhsil müəssisələrində təhsil alan şəhid övladları üçün Türkiyənin İstanbul şəhərindəki Yeditepe Universitetində təşkil olunmuş yay düşərgəsi davam edir. 
Qanunvehedef.az xəbər verir ki, düşərgənin növbəti günündə şəhid övladları SOCAR-ın Türkiyə baş ofisində CV hazırlama, müsahibə üsulları və iş mühitində namizədlərdən tələb olunan digər bir sıra bacarıqlar üzrə təlimlərdə iştirak ediblər.
Həmçinin Baş Ofisi ziyarət zamanı şəhid övladları SOCAR Türkiyənin baş direktoru Elçin İbadovla da görüşüblər. E. İbadov tələbə şəhid övladlarına şirkəti təqdim etdikdən sonra onlara bir sıra işgüzar məsləhətlər verib.
“Zəfər” Şəhid Ailələrinə Dəstək İctimai Birliyinin sədri Sevinc Alızadə də Elçin İbadova təşəkkür edib yay düşərgəsi barədə öz fikirlərini bölüşüb
Azərbaycanın ilk şəhid pilotu Fəxrəddin Əsgərovun qızı Zəhra Əsgərova isə bildirib ki, yay düşərgəsi onlara həm ingilis dilini inkişaf etdirmək, həm də Türkiyə universitetlərində dərslərin necə tədris olunduğunu anlamaq baxımından çox faydalı olub.
Görüşün sonunda S. Alızadə SOCAR Türkiyənin baş direktoru Elçin İbadova xatirə hədiyyələri təqdim edib.




шаблоны для dle 11.2