Çin ABŞ-ın Baş Konsulluğunu bağlamağı nəzərdən keçirir

Çin hakimiyyəti Sıçuan əyalətinin cənub-qərbində yerləşən Çendu şəhərindəki ABŞ-ın Baş Konsulluğunu bağlamağı nəzərdən keçirir.
"Report" "RİA Novosti"yə istinadən xəbər verir ki, bunu "South China Morning Post" qəzeti yazıb.
Bildirilib ki, bu, ABŞ-ın Çinin Hyustondakı Baş Konsulluğunun bağlamasına rəsmi Pekinin cavabı kimi qiymətlədirilir.
Qeyd edək ki, Çinin Quançjou, Şanxay, Şenyan, Çendu və Uxan şəhərlərində ABŞ-ın konsulluqları fəaliyyət göstərir.
Çenduda Baş Konsulluq 1985-ci ildə açılıb. Bu, strateji ərazi sayılır. Şəhər Sıçuan, Yunnan, Quyçjo əyalətlərini, Tibet Muxtar rayonunu, eləcə də mərkəzi hakimiyyətə tabe Çunsin şəhərini əhatə edir.

Qanunvehedef.az