Lavrovun açıqlamasına Tiflisdən reaksiya

Tiflislə Moskva arasındakı hava nəqliyyatı Rusiya tərəfinin qərarı ilə ləğv edilib, lakin Gürcüstan müntəzəm uçuşların bərpasında maraqlıdır.
Qanunvehedef.az xəbər verir ki, bunu Gürcüstan Baş nazirinin Rusiya Federasiyası ilə əlaqələrin tənzimlənməsi üzrə xüsusi nümayəndəsi Zurab Abaşidze deyib.
“Ölkələr arasındakı hava nəqliyatı Gürcüstanın təşəbbüsü ilə ləğv edilməyib. Rəsmi Moskva uçuşları bərpa etmək istəyirsə, bu məsələni gündəliyə salmağa hazırıq, amma hər şey təbii ki, epidemioloji vəziyyətdən asılıdır”, - Abaşidze bildirib.
Qeyd edək ki, Rusiya XİN rəhbəri Sergey Lavrov yaxın gələcəkdə Gürcüstanla hava əlaqələrinin bərpa olunacağına ümid etdiyini açıqlamışdı.