Yunanlar inkar etdi: Generallar görüşməyib

NATO-da Yunanıstan və Türkiyə hərbi nümayəndə heyəti arasında danışıqlar olmayıb.
Qanunvehedef.az xəbər verir ki, bunu Yunanıstan rəsmi ANA agentliyi iddia edib.
Məlumata görə, bir yunan zabit ölkəsinin Yens Stoltenberqin mümkün gərginliyi azaltma mexanizmi ilə əlaqəli təklifləri haqqında dəyərləndirməsini təqdim etmək üçün NATO ofisinə gedib.
Bildirilir ki, türk zabitlərlə hər hansı bir dialoq qurulmayıb. Məsələ ilə bağlı Ankaranın açıqlaması isə "mümkün sanksiyalardan çəkinmək üçün atılmış addım" olaraq qiymətləndirilib.
Qeyd edək ki, Türkiyə Milli Müdafiə Nazirliyi NATO qərargahında Türkiyə-Yunanıstan hərbi heyəti arasında texniki iclasın keçirildiyini açıqlamışdı.