Fransada parlament seçkilərinin 1-ci turunun ilkin nəticələri açıqlandı

Fransada iyunun 12-si baş tutan parlament seçkilərinin birinci turunun ilkin nəticələri məlum olub.
Qanunvehedef.az xəbər verir ki, bu barədə məlumatı ölkənin Daxili İşlər Nazirliyi yayıb.
Beləliklə, ölkənin hakim “Birgə!” bloku səslərin 25,7%-ni, “Yeni Xalq Ekoloji və Sosial Birliyi” isə 25,6%-ni toplayıb.
Səslərin 18,7%-ni toplayan Marin Le Penin “Milli birlik” partiyası isə üçüncü pillədə yer alıb.
Bununla yanaşı, dördüncü pillədə “Respublikaçılar” (10,4%), beşinci pillədə isə Erik Zemmurun “Rekonkista” (4,2%) yer alıb. Digər partiya və birliklər 4%-lik səddi keçə bilməyib.
Qeyd edək ki, parlament seçkilərinin ikinci turu iyunun 19-da keçiriləcək.шаблоны для dle 11.2