Müxalifət günlər sonra İrəvanın mərkəzindən çadırları yığışdırdı

Ermənistanın müxalif “Müqavimət” hərəkatının iştirakçıları İrəvanda “Fransa” meydanında 40 gündən çoxdur quraşdırdıqları çadırları söküblər.
Qanunvehedef.az xəbər verir ki, bu barədə məlumatı “Sputnik Ermənistan” yayıb.
Bununla belə, hərəkat iştirakçıları ölkənin Baş naziri Nikol Paşinyana qarşı başqa etiraz aksiyaları keçirəcəklərini bildiriblər.
Hərəkatın koordinatoru İşxan Saqatelyan daha əvvəl siyasi mübarizə mexanizmlərini dəyişmək və “Fransa” meydanını boşaltmaq barədə qərar verdiklərini açıqlayıb. Onun sözlərinə görə, buna baxmayaraq, etiraz aksiyaları, müzakirələr və digər tədbirlər davam etdiriləcək. O bildirib ki, ən azı həftədə bir dəfə mitinqlər və etiraz aksiyaları təşkil olunacaq.
Qeyd edək ki, “Müqavimət” hərəkatı mayın 1-i “Fransa” meydanında çadırlar qurub və ölkədə hakimiyyətin dəyişdirilməsi məqsədilə mübarizənin başladığını elan edib.шаблоны для dle 11.2