Sloveniyada ilk dəfə qadın prezident seçildi

Sloveniyada keçirilən prezident seçkilərinin ikinci turunda 86,7 səslə Natasa Pirc Musar ölkənin ilk qadın prezidenti olub.
Oktyabrın 23-də Sloveniyada keçirilən prezident seçkilərində 7 namizəddən heç biri 50 faiz səs toplaya bilmədiyi üçün seçki ikinci tura buraxılıb.
Qanunvehedef.az xəbər verir ki, seçkinin ikinci turunda səsvermə prosesi başa çatdıqdan sonra səslərin 86,7-si hesablanıb. Qeyri-rəsmi nəticələrə görə, Sloveniya Pirat Partiyası və Avropa Yaşıllar Partiyasının dəstəklədiyi Natasa Pirc Musar 53,83 faiz səslə qalib gəlib. Musar ölkənin ilk qadın prezidenti oldu.
Musarın rəqibi Sloveniya Demokratik Partiyasının (SDS) dəstəklədiyi müstəqil namizəd və keçmiş xarici işlər naziri Anze Loqar hesablanan səslərin 46,17 faizini toplayıb. Seçici fəallığı 49,9 faiz olaraq qalıb.
54 yaşlı Musar hüquqşünasdır və seçkidən əvvəl insan haqları, qanunun aliliyi və sosial rifahla bağlı kampaniya aparıb.