DSX-nin hərbçiləri sərhəddən narkotik keçirərkən tutuldu
Baxılıb: 654 Tarix: 22-07-2022 13:08
Dövlət Sərhəd Xidmətinin hərbçiləri sərhədi pozarkən saxlanılıb.
DSX-dən Qanunvehedef.az-a verilən məlumata görə, iyulun 21-də Cəbrayıl rayonunun Mehdili kəndi yaxınlığında sərhədboyu zolağa baxış zamanı naməlum şəxslər tərəfindən ərazidə gizlədilmiş 4 bağlama aşkar olunub. Saat 20:00 radələrində əraziyə gəlməklə bağlamaları götürərək hadisə yerindən uzaqlaşmağa cəhd edən 4 nəfər sərhəd naryadları tərəfindən saxlanılıb.
Tutulmuş şəxslərin şəxsiyyəti araşdırılıb, işğaldan azad olunmuş sərhədyanı ərazilərin minalardan təmizlənilməsi tapşırığını yerinə yetirən DSX-nin müddətdən artıq hərbi qulluqçuları olmaları müəyyən edilib. Cinayətin təşkilatçısı olan Bərdə sakini 1998-ci il təvəllüdlü Xəlili Hikmət Həsən oğlu saxlanılıb.
Hadisə yerində götürülmüş bağlamalarda ümumi çəkisi 95 kq 700 qram olan narkotik vasitəyə (87 kq 700 qram “marixuana”, 7 kq 600 qram “heroin”, 400 qram “metamfetamin”)və psixotrop tərkibli dərmanlara (“Metadon-40” 1980 həb və “Preqobalin-150” 12465 həb) bənzər maddələrin olması müəyyənləşdirilib.
Baş Prokurorluq və DSX tərəfindən zəruri əməliyyat-istintaq tədbirləri davam etdirilir.
Ən çox oxunanlar
Son xəbərlər
