UEFA PSJ prezidentinə intizam işi açdı

UEFA PSJ klubunun prezidenti Nasser Əl-Xəlaifiyə və klubun idman direktoru Leonardoya intizam işi açıb.
Qanunvehedef.az xəbər verir ki, buna səbəb onların “Real”la Çempionlar Liqasının 1/8 final mərhələsindəki oyundan sonra qalmaqal yaratmaqları olub.
Qitə futbol qurumu hadisəni araşdırdıqdan sonra qərar verəcək.
Açıqlamada qeyd edilir ki, Paris klubunun sahibi matçdan sonra hakimlərin otağına girməyə cəhd edib, həmçinin stadiona ziyan vurub.
Leonardo isə niderlandlı FIFA referisi Denni Makkelinin başçılıq etdiyi hakimlər briqadasını təhqir edib.