Azərbaycanda yarışa hazırlaşan 15 idmançı qidadan zəhərləndi
Baxılıb: 235 Tarix: 26-04-2022 09:46
Göygöldə 15 idmançı qidadan zəhərlənib.
Rayon Prokurorluğundan Qanunvehedef.az-a bildirilib ki, aprelin 25-də Göygöl Mərkəzi Xəstəxanasından 15 nəfərin dəqiqləşdirilməmiş “qida zəhərlənməsi” diaqnozu ilə müraciət etməsi barədə prokurorluğa məlumat daxil olub.
Araşdırmalarla müəyyən edilib ki, cüdo idman növü üzrə Azərbaycan çempionatına hazırlıq məqsədilə Göygöl Rayon Olimpiya İdman Kompleksində təşkil olunmuş təlim-məşq toplanışında iştirak edən müxtəlif bölgələrdən olan 15 nəfər gənc idmançı qeyd edilən tarixdə ürəkbulanma, hərarət və qusma əlamətləri ilə xəstəxanaya müraciət edib. Həmin şəxslər ilkin tibbi yardım göstərildikdən sonra evə buraxılıblar.
Zəhərlənmənin hansı səbəbdən baş verməsini müəyyən etmək məqsədilə müvafiq nümunələr götürülərək laborator müayinəsinə göndərilib.
Faktla bağlı araşdırma aparılır.
Ən çox oxunanlar
Son xəbərlər
