Azərbaycanın 6 cüdoçusu AÇ-də mübarizəyə başlayacaq
Baxılıb: 195 Tarix: 29-04-2022 10:02
Bu gün Bolqarıstanın paytaxtı Sofiyada cüdo üzrə Avropa çempionatı start götürəcək. Qanunvehedef.az xəbər verir ki, Azərbaycan təmsil edən 6 cüdoçu məhz bu gün yarışa qatılacaq.
60 kq çəki dərəcəsində Balabəy Ağayev ilk görüşündə yunanıstanlı Savva Karakizidi ilə üz-üzə gələcək. Onunla eyni çəkidə mübarizə aparan Əhməd Yusifov isə ispan Riko Bernabeudan üstün olmağa çalışacaq.
66 kq-da Yaşar Nəcəfov 1/16 finalda moldovalı Radu İzvoryanu səddini keçməyə cəhd göstərəcək. İbrahim Əliyev isə israilli Tal Flikerlə qarşılaşacaq.
Qadınların yarışında Şəfəq Həmidova 1/8 finalda ispan Xuliya Fiqeroa ilə münasibətlərə aydınlıq gətirəcək. Ramilə Əliyeva isə portuqaliyalı Katarina Koştanı məğlub etmək üçün yarışacaq.
Qeyd edək ki, Azərbaycan Avropa çempionatında 11 cüdoçu ilə təmsil olunur. Mayın 1-də başa çatacaq yarışda 40 ölkədən 361 idmançı (207 kişi, 154 qadın) iştirak edir.
Ən çox oxunanlar
Son xəbərlər
