Mahir Emreli Ronaldoya rəqib ola bilər - Mixneviç onu istəyir

Xorvatiyanın “Dinamo” (Zaqreb) klubunda çıxış edən Azərbaycan yığmasının üzvü Mahir Emreli Səudiyyə Ərəbistanının “Abha” klubunda çıxış edə bilər.
Qanunvehedef.az xəbər verir ki, adıçəkilən klubun baş məşqçisi Çeslav Mixneviç millimizin forvardının xidmətində maraqlıdır.
Vaxtilə “Legiya”da Emrelinin çalışdırcısı olmuş mütəxəssis hücumçuya bu barədə təklif edib.
Mahir Emrelinin anası Elnurə Emreli açıqlamasında məlumatı təkzib etməyib:
“Mixneviçlə Mahirin əlaqələri var və hər zaman danışırlar. Amma indiki halda Zaqreb klubuna rəsmi təklif gəlməyib. Ümumiyyətlə, hələlik Mahir üçün heç bir komandadan rəsmi təklif yoxdur”.