Putin ukraynalıların Rusiya vətəndaşlığı almasını asanlaşdıran fərman imzaladı

Rusiya prezidenti Vladimir Putin Ukraynanın bütün bölgələrinin sakinləri üçün Rusiya vətəndaşlığının alınmasının asanlaşdırılması haqqında fərman imzalayıb.
 Qanunvehedef.az xəbər verir ki, Rusiya Dövlət Hüquq İnformasiya Sistemində dərc olunan qərara əsasən prezident Vladimir Putin Rusiya vətəndaşlığının verilməsinin asanlaşdırılmasını nəzərdə tutan fərmanın əhatə dairəsini genişləndirib.
Sözügedən qərarla qondarma Donestk və Luqansk respublikalarının sakinləri, eləcə də Ukraynanın bütün bölgələrində daimi yaşayanlar Rusiya vətəndaşlığı üçün sadələşdirilmiş müraciət üçün müraciət etmək hüququ qazanıblar.
Qeyd edək ki, Putin 2019-cu ildə imzaladığı qərarla Ukraynanın Donetsk və Luqanskda yaşayanların Rusiya vətəndaşlığı almasına şərait yaradıb. Mayın 25-də Ukraynanın Xerson və Zaporojye vilayətlərində yaşayanlar da daxil edilib.