Prezident İlham Əliyevin Sərəncamı ilə general rütbəsi verilən hərbçilər kimdir? - Foto

Xəbər verdiyimiz kimi, bu gün Prezident İlham Əliyevin Sərəncamı ilə polkovnik Babək Mürsəl oğlu Ələkbərov və polkovnik Zaur Ağaqardaş oğlu Zeynalova general-mayor ali hərbi rütbəsi verilib.
Qanunvehedef.az xəbər verir ki, 35 yaşlı Babək Ələkbərov Vətən Müharibəsi Qəhrəmandır. O, Arazboyu əməliyyatlarda böyük şücaət göstərib, Zəngilan rayonu və Xudafərin körpüsünün azad edilməsini Ali Baş Komandana məruzə edib.
Babək Ələkbərova Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, Prezident İlham Əliyevin 9 dekabr 2020-ci il tarixli Sərəncamına əsasən “Vətən Müharibəsi Qəhrəmanı” adı verilib.

Fotoda: Babək Ələkbərov


49 yaşlı Zaur Zeynalov isə 1-ci Qarabağ müharibəsi, həmçinin Vətən müharibəsi iştirakçısıdır. Əvvəllər Dövlət Sərhəd Xidmətinin (DSX) bir neçə hərbi hissəsində komandir olub. Hazırda DSX-də Baş İdarə rəisi vəzifəsini icra edir.

Fotoda: Zaur Zeynalov



Qanunvehedef.az Əbdülqəni Hüseynovшаблоны для dle 11.2