İlon Mask Azərbaycanla bağlı paylaşım etdi

Amerikalı milyarder, “Tesla” və “SpaceX” şirkətlərinin sahibi İlon Mask Azərbaycanla bağlı paylaşım edib. 
Qanunvehedef.az xəbər verir ki, paylaşım Maskın sahibi olduğu “X” sosial şəbəkəsinin Azərbaycanda xəbərlər üçün bir nömrəli tətbiq olması haqdadır.
Belə ki, milyarder 1,2 milyon izləyicisi olan “Tesla Owners Silicon Valley” səhifəsinin bu haqda məlumatını yenidən paylaşıb.
Mask paylaşımına Azərbaycan sözünü və ölkənin bayrağını əlavə edib.
Onu da qeyd edək ki, sahibkar, həmçinin “X”in yüklənmə sayına görə birinci pilləyə yüksəldiyi Kanada, Böyük Britaniya və s. ölkələrlə bağlı da paylaşımlar edib.