Flora Kərimovanı müdafiə edən Xalq artistini təhqir etdi - Video

Bir müddətdir Xalq artisti Flora Kərimova ilə müğənni Afət Fərmanqızı arasında qalmaqal yaşanır. Buna səbəb Fərmanqızının Kərimovanın ünvanına dediyi təhqiramiz ifadələr olub. Hətta bu səbəbdən Xalq artisti müğənni barəsində Binəqədi rayon Məhkəməsinə Cinayət Məcəlləsinin 147-ci (Ağır və ya xüsusilə ağır cinayətdə ittiham etməklə böhtan atma) maddəsi ilə xüsusi ittiham qaydasında şikayət edib. 
Qanunvehedef.az xəbər verir ki, digər Xalq artisti, aktrisa Naibə Allahverdiyeva Flora Kərimovanın müdafiəsinə qalxıb.
Allahverdiyeva feysbuk hesabında ad çəkmədən Fərmanqızını tənqid edib: “Sənətdə subardinasiya itib!.. Sənətin əlifbasını bilməyənlər, Azərbaycan musiqini bərbad günə qoyanlar Flora xanım kimi sənətkara hörmətsizlik edirlər! Ayıb olsun! Flora xanım Xalq artistidir, Xalqın sevdiyi və hörmət etdiyi sənətkardır! Azərbaycanın musiqi tarixinə öz imzasını qoymuş sənətkardır! Azərbaycan musiqisi yaşadıqca Flora xanımın mahnıları (hər biri əsərdir) yaşayacaq. Sən kimsən? Hansı titulun və hörmətin sahibisən? Hansı oxuduğun “mahnılara” imza atmısan? İki badam, bir qoz? Xalq artisti öz sənətinin generalıdır! Ona hörmət etmək sənin borcundur! Susduqca həddinizi aşmayın!”.
Afət Fərmanqızının Naibə Allahverdiyevaya cavabı gecikməyib. Müğənni də ad çəkmədən aktrisanın ünvanına bunları deyib: “Bir aktrisa var, alt dodağı yer süpürür, üst dodağı göy süpürür. Bu aktrisa öz aləmində guya mənim cavabımı verib, bir Xalq artisti ilə mənim polemikama münasibət bildirib. Əvvəla sənin o əyri fikirlərin əyri ağzın kimi əyridir. Ona görə bu fikirlərin keçərli deyil. Orada qeyd edirsən ki, bunun nə haqqı var ki, böyük sənəti olan filankəsə belə sözləri deyir? Bəs onun nə haqqı var ki, mənə təhqirlər edir? O təhqirləri xalqa deməmişəm, çünki yaxınlarım, əzizlərim sarsıla bilər. Mən onları saxlamışam. Hamısı məhkəmədə sübut kimi göstəriləcək. Hər ikiniz dövlətdən yaxşı maaş alırsınız. Niyə pandemiyada insanlara onca manat kömək etmədiniz? Amma mən şəxsi vəsaitimlə yüz ailəyə kömək etmişəm. Ona görə də xalqın da artisti özüməm, Əməkdar artisti də özüməm”.



шаблоны для dle 11.2