"Zəngəzur dəhlizi ilə bağlı hələ bir nəticə əldə olunmayıb"- Ceyhun Bayramov

 "Türkiyə və Azərbaycan Ermənistana açıq-aşkar bildirir ki, bizim Ermənistanla hər hansı bir problemimiz yoxdur. Ermənistanla normal qonşuluq münasibətlərinin qurulmasının tərəfdarıyıq və Ermənistan buna uyğun addımlar atsa, beynəlxalq hüquqa hörmət etsə, reallığı anlasa, müsbət nəticələr əldə etmək mümkün olacaq".
Qanunvehedef.az xəbər verir ki, bu sözləri "Anadolu"ya müsahibəsində xarici işlər naziri Ceyhun Bayramov deyib.
O, həmçinin, qeyd edib ki, münasibətlərin normallaşması ən çox Ermənistan üçün vacibdir:
"Azərbaycanın qərb bölgələri və Naxçıvanı Ermənistan vasitəsilə birləşdirəcək Zəngəzur dəhlizi ilə bağlı hələ bir nəticə əldə olunmayıb. Ermənistan müxtəlif bəhanələr ilə bu prosesi uzatmağa çalışır".