“Ceyhun Bayramovla Mirzoyan Rusiyada da görüşəcəklər”

 “Ermənistan və Azərbaycanın XİN rəhbərləri Ararat Mirzoyanla Ceyhun Bayramov Rusiyada da görüşəcəklər”.
Qanunvehedef.az “Novosti Armeniya”ya istinadən xəbər verir ki, bu barədə məlumatı Ermənistanın hakim “Vətəndaş müqaviləsi” partiyasından deputat, parlamentin Avropaya inteqrasiya üzrə daimi komissiyasının rəhbəri Arman Eqoyan açıqlayıb.
Onun sözlərinə görə, bu məsələ ilə bağlı ilkin razılaşma mövcuddur.
Xatırladaq ki, mayın 1-i ABŞ dövlət katibi Entoni Blinkenin vasitəçiliyi ilə Vaşinqtonda Azərbaycan və Ermənistanın xarici işlər nazirləri arasında üçtərəfli görüş keçirilib. Görüşdən sonra nazirlərin ikitərəfli görüşü baş tutub.