Azərbaycan Universitetinin 30 illiyi münasibətilə “Xatirə kitabı” çap olunub - Foto
Baxılıb: 168 Tarix: 14-03-2022 09:30
Azərbaycan Universitetinin 30 illiyinə həsr olunmuş “Xatirə kitabı” çap olunub.
Qanunvehedef.az xəbər verir ki, rektor Səadət Əliyevanın önsözü ilə başlayan kitaba yubiley münasibətilə universitetə ünvanlanan təbriklər, Azərbaycan Universitetinə müxtəlif illərdə rəhbərlik etmiş rektorlar - prof. Səlahəddin Xəlilov, prof. Akif Musayev, prof. Fərahim Sadıqov, dos. Eldar Qəhrəmanovun, o cümlədən bir qrup məzunun, struktur bölmə rəhbərlərinin təbrik və xatirə yazıları daxil edilib.
Kitabda Azərbaycan Universitetinin keçdiyi 30 illik inkişaf yoluna qısa nəzər salınır, universitet tarixindən faktlar və fotosənədlər də təqdim olunur.
Qeyd edək ki, ölkəmizdə özəl ali təhsilin bünövrəsini qoyan Azərbaycan Universitetinin fəaliyyətə başlamasının 30 ili tamam olur. Universitetin 30 illik yubileyi pandemiya şəraitinə uyğun olaraq müxtəlif tədbirlərlə qeyd olunur.
1991-ci ildə AMEA-nın müxbir üzvü, professor Səlahəddin Xəlilov tərəfindən təsis olunan universitetə 2017-ci ildən Səadət Əliyeva rəhbərlik edir.
Ən çox oxunanlar
Son xəbərlər
