Burbulisin nəşi hələ Bakıdadır

“Azərbaycanın Prezident Administrasiyası RSFSR-in keçmiş dövlət katibi Gennadi Burbulisin nəşinin vətənə göndərilməsinə köməklik edir”.
Qanunvehedef.az “Ura.ru”ya istinadən xəbər verir ki, bunu Burbulisin köməkçisi Aleksandr Kriçevskiy deyib.
Onun sözlərinə görə, Burbulislə vida mərasiminin nə zaman və harada təşkil ediləcəyi hələ məlum deyil. O bildirib ki, hazırda onun cəsədinin Bakıdan Rusiyaya aparılması məsələsi həll edilir: “Hələ ki ekspertizanın həyata keçirilməsi, sənədləşmə aparılması, cəsədin daşınmasına icazə verilməlidir. Həmçinin ölümün dəqiq səbəbləri təyin olunmalıdır. Bu məsələlərlə hazırda Azərbaycanın Prezident Administrasiyası və Rusiya səfirliyi məşğul olur”.
Kriçevskiy əlavə edib ki, ilkin məlumata görə, Burbulis Moskvada dəfn olunacaq.
Xatırladaq ki, Rusiya Federasiyasının ilk Prezidenti Boris Yeltsinin müttəfiqi, keçmiş dövlət katibi Gennadi Burbulis iyunun 19-u günorta saatlarında 77 yaşında Bakıda vəfat edib.шаблоны для dle 11.2