Cərəyan vurmasından ölən azyaşlıya görə cinayət işi başlandı
Baxılıb: 590 Tarix: 29-07-2022 10:55
Qəbələdə cərəyan vurması nəticəsində vəfat edən azyaşlının ölümü ilə bağlı cinayət işi başlanıb.
Qanunvehedef.az xəbər verir ki, iyulun 28-də rayonun Bum qəsəbəsində 2011-ci il təvəllüdlü Aqşin Ağasiyevin elektrik cərəyanı vurması nəticəsində ölməsi barədə rayon prokurorluğuna məlumat daxil olub.
Araşdırmalarla müəyyən edilib ki, Aqşin Ağasiyev çayın kənarından keçən elektrik naqilindən hər iki əli ilə tutan zaman elektrik cərəyanı vurması nəticəsində hadisə yerində ölüb.
Faktla bağlı Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb. İş üzrə istintaq davam edir.
Ən çox oxunanlar
Son xəbərlər
