“Bununla qiymət artımından əziyyət çəkən ailələrə dəstək olmaq olar”

Azərbaycana idxal olunan ərzaq məhsulları və dərmanlara tətbiq olunan gömrük rüsumlarına dəyişiklik edilməsi təklif edilib. 
Qanunvehedef.az xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsində “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı deputat Fəzail Ağamalı danışıb.
Deputat qeyd edib ki, ərzaq məhsulları və dərman vasitələrinə tətbiq olunan gömrük rüsumları kifayət qədər yüksəkdir.
O, ƏDV-nin ərzaq məhsullarına bir və ya bir neçə il müddətinə ləğv edilməsini təklif edib. Fəzail Ağamalının sözlərinə görə, bunu etməklə, qiymət artımından əziyyət çəkən aztəminatlı ailələrə dəstək olmaq olar.