“İşini itirəcək taksi sürücüləri harada çalışacaq?”

“Taksi sürücülərindən kifayət qədəri öz iş yerini itirəcək”.
Qanunvehedef.az xəbər verir ki, bu fikirləri deputat Siyavuş Novruzov Milli Məclisin iclasında bildirib.
“Bu şəxslərin harada işləyəcəyi ilə bağlı düşünülüb? Məşğulluq idarələri ilə danışılıb? Yeni layihədə sürücülərin təlim keçəcəyi ilə bağlı qeyd var. Bu qədər şəxsin harada təlim keçəcəkləri ilə bağlı yer müəyyən olunub? Bütün bunlar düşünülməlidir”, - deyə millət vəkili qeyd edib.
Digə deputat Azay Quliyev isə ictimai nəqliyyatla bağlı olan məsələni qaldırıb: “Qeyd olunur ki, avtobuslardan istifadə 40 %-ə qədər azalıb. Bu, çox ciddi rəqəmdir. Buna səbəb nədir?
Görünən budur ki, ictimai nəqliyyat sistemində ciddi problemlər var. Avtobuslar tıxaclarda qalır, zolaqların tələblərinə riayət olunmur. Bakı ətrafındakı marşrutlar sərnişini ünvana aparıb çatdıra bilmir. Bəzən yaşlılar, uşaqlar dayanacaqdan sonra kilometrlərlə piyada yol gedirlər. İctimai nəqliyyat sahəsində ciddi işlər görülməlidir”.

Qanunvehedef.azшаблоны для dle 11.2