Ağsuda karantini pozan şəxslər cərimələndi
Baxılıb: 828 Tarix: 13-04-2020 09:57
Koronavirus (COVID-19) epidemiyasının yayılma təhlükəsi ilə əlaqədar Azərbaycanda tətbiq olunan gücləndirilmiş karantin rejiminə regionlarda yaşayan bəzi vətəndaşlar tərəfindən əməl olunmur və onlar polislər tərəfindən qanuna müvafiq qaydada cərimələnirlər.
Qanunvehedef.az xəbər verir ki, ötən ərzində Ağsu Rayon Polis Şöbəsinin (RPŞ) əməkdaşları bir neçə nəfər barəsində inzibati xətalar məcəlləsinin 211-ci maddəsini kobud şəkildə pozan rayon sakinlərinə cərimə tətbiq ediblər.
Onlardan rayon sakini, 34 yaşlı Mirzəyev Rza Məmmədrza oğlu yaşadığı Gəgəli kənd ərazisində icazəsiz gəzdiyinə görə, eləcə də onun qardaşı, 40 yaşlı Sakit Mirzəyev Gəgəli kəndində içkili vəziyyətdə dava salaraq xuliqanlıq etdiyinə görə, bundan başqa, rayon sakini, 42 yaşlı Kərimov İlqar Alxas oğlu 8103-ə qızının şəxsiyyət vəsiqəsi ilə icazə alıb, onun yerinə özü evdən çıxdığına görə və Şamaxı rayon sakini, 22 yaşlı Əhmədov Kamal Xəlil oğlu heç bir icazəsi və əsası olmadan Ağsu rayonuna gəldiyinə görə, eləcə də karantin rejimini kobud şəkildə pozduqlarına üçün onların barələrində inzibati qaydada 100 və 200 manat məbləğində cərimə tətbiq edilib.
Ağsu RPŞ-nin əməkdaşları reydlər zamanı insanlara səslənərək evdən çıxmamağa karantin rejiminin qaydalarına ciddi şəkildə əməl etməyə çağırır.
Hazırda Ağsu RPŞ əməkdaşları gücləndirilmiş iş rejimində xidmətlərini davam etdirir.
Ən çox oxunanlar
Son xəbərlər
