Baş Dövlət Yol Polisinin hava şəraiti ilə bağlı müraciəti

Baş Dövlət Yol Polisi İdarəsi hava şəraiti ilə bağlı xəbərdarlıq yayıb.
Qanunvehedef.az-a qurumun Mətbuat xidmətinə istinadən xəbər verir ki, mövcud hava şəraiti yollarda təhlükəyə səbəb ola bilər:
“Bir neçə gün davam edən mülayim hava şəraiti bu gündən etibarən dəyişib. Milli Hidrometeorologiya Xidmətinin məlumatına əsasən, qarşıdakı günlərdə ölkə ərazisində temperaturun 5-10 dərəcə aşağı enəcəyi, külək, yağış, sulu qar və qarla müşahidə olunacaq əlverişsiz hava şəraitinın fevralın 18-dək davam edəcəyi gözlənilir.
Hazırda paytaxt ərazisində müşahidə olunan dumanı, eləcə də ölkə ərazisində gözlənilən qeyri-sabit hava şəraitini nəzərə alaraq, hərəkət iştirakçılarından yollarda diqqətli olmalarını xahiş edirik.
Xüsusilə, səfərə çıxan sürücülərə, yük və sərnişindaşıma fəaliyyəti göstərən fiziki və hüquqi şəxslərə mövcud hava şərtlərini düzgün qiymətləndirmək, texniki-təhlükəsizlik baxımından yararsız, eləcə də mövsümə uyğun təchiz olunmamış nəqliyyat vasitələri ilə yola çıxmaqdan çəkinmək, sürət həddinə, ötmə və manevr zamanı təhlükəsizlik qaydalarına ciddi əməl etmək tövsiyə olunur”.

Qanunvehedef.azшаблоны для dle 11.2