Xədicə İsmayıl polisə çağırıldı

Jurnalist Xədicə İsmayıl istintaqa çağırılıb.
Lent.az xəbər verir ki, bu barədə o, sosial şəbəkə hesabında paylaşım edib.
Xədicə İsmayıl qeyd edib ki, bu gün saat 15:00 üçün onu Bakı şəhər Baş Polis İdarəsinə ifadə verməyə dəvət ediblər.
Qeyd edək ki, martın 6-da Toplum TV internet televiziyasının yerləşdiyi ofisdə və daha bir neçə ünvanda Daxili İşlər Nazirliyi tərəfindən əməliyyat keçirilib.
DİN-in yaydığı məlumatda bildirilib ki, paytaxtın Nərimanov rayonu Y.V.Çəmənzəminli ev 98 B ünvanında yerləşən ofisdə və əlavə digər ünvanlarda bir qrup şəxsin fəaliyyəti ilə bağlı daxil olan məlumat üzrə polis əməkdaşları tərəfindən əməliyyat-axtarış tədbirləri keçirilib.
Nəticədə TV-nin bir neçə əməkdaşı həbs edilib.

Qanunvehedef.az