Bu gün Nazirlər Kabinetində Naxçıvanla bağlı iclas keçirildi

Bu gün Nazirlər Kabinetində qurumun Aparatının rəhbəri Rüfət Məmmədovun rəhbərliyi ilə “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın icrası ilə bağlı iclas keçirilib. 
Qanunvehedef.az xəbər verir ki, Dövlət Proqramında nəzərdə tutulmuş tədbirlər üzrə əsas icraçı orqanların rəhbərlərinin müavinləri və digər məsul şəxslərin iştirak etdiyi iclasda Dövlət Proqramının 2023-cü il üzrə monitorinqinə və 2024-cü ildə yerinə yetirilmiş işlərin cari vəziyyətinə dair hesabatlar təqdim edilib, habelə Dövlət Proqramının 2025-2027-ci illər üzrə Təfsilatlı Tədbirlər Planının layihəsinin hazırlanması ilə bağlı məsələlər müzakirə olunub.
Müzakirə zamanı Dövlət Proqramının icrası çərçivəsində həyata keçirilən layihələr diqqətə çatdırılıb, icra prosesində müşahidə olunan əsas çətinliklər və onların aradan qaldırılması üçün görülməli olan tədbirlər qeyd olunub.
Müzakirənin nəticəsinə uyğun olaraq Dövlət Proqramının icrasının səmərəliyinin daha da artırılması ilə əlaqədar aidiyyəti dövlət qurumlarına müvafiq tapşırıqlar verilib.




Qanunvehedef.azшаблоны для dle 11.2