Xəzər rayon Şüvəlan qəsəbəsində yerləşən İlqar Muradov adına 237 nömrəli tam orta məktəbin 60 illik yubileyi qeyd olunub
Baxılıb: 893 Tarix: 13-01-2025 12:14
Yubiley tədbirində məktəbin fəxri məzunları - Xəzər Rayon İcra Hakimiyyətinin başçısı Elşən Salahov və “Şöhrət” ordeni ilə təltif olunmuş, hazırda Mərkəzi Seçki Komissiyasının sədr müavini vəzifəsində çalışan Şaitdin Əliyev, BŞTİ-nin nümayəndəsi Əfqan İsgəndərov, müxtəlif illərdə məktəbi bitirən məzunlar, şəhid ailələri, ağsaqqallar, məktəb direktorları və məktəb kollektivi iştirak edib.
Tədbirdən öncə qonaqlar məktəbin foyesində yaradılmış məzunların fotolarından və şagirdlərin rəsm əsərlərindən ibarət sərgiyə baxış keçiriblər. Dövlət Himninin səsləndirilməsi və Vətən müharibəsi şəhidlərinin əziz xatirəsinin bir dəqiqəlik sükutla yad edilməsi ilə başlayan tədbirdə məktəbin direktoru Zümrüd Abbasova qonaqları salamlayaraq, təhsil müəssisəsinin yaranma tarixi, keçdiyi inkişaf yolu, nailiyyətləri, uğurlu məzunları barədə məlumat verib. Daha sonra çıxış üçün söz RİH başçısı Elşən Salahova verilib. E.Salahov çıxışında məzunu olduğu məktəblə və müəllimləri ilə həmişə fəxr etdiyini, burda əldə etdiyi biliklərin həyatda qazandığı uğurların başlanğıcı kimi qiymətləndirdiyini xüsusilə qeyd edib. Çıxışının sonunda pedaqoji heyətə yeni-yeni uğurlar arzulayan rayon rəhbəri, şagirdlərin təlim-tərbiyəsində əməyi olan hər kəsə təşəkkürünü bildirib.
Yubiley tədbiri Millət vəkili, Milli Məclisin Mədəniyyət komitəsinin sədr müavini, Səhiyyə komitəsinin üzvü Günay Əfəndiyevanın təbrik məktubu səsləndirilməsi, qonaqların çıxışı, həmçinin, məktəbin tarixinə, məzunlarına həsr olunmuş videoçarxın və ədəbi-bədii kompozisiyaların nümayişi ilə davam edib. Sonda məktəbin təqaüdçü müəllimlərinə fəxri diplom və hədiyyələr təqdim olunub.
Qəni Hüseynov
Ən çox oxunanlar
Son xəbərlər
