Aprel şəhidi Kamran Şirəliyevin əziz xatirəsi yad olunub
Baxılıb: 1 279 Tarix: 07-04-2025 12:15
Xəzər Rayon İcra Hakimiyyəti, YAP Xəzər rayon təşkilatı və rayon ictimaiyyətinin iştirakı ilə Aprel döyüşləri zamanı şəhidlik zirvəsinə ucalmış Mərdəkan qəsəbə sakini Şirəliyev Kamran Faiq oğlunun ailəsini ziyarət etmişdir. Ziyarət zamanı şəhidin ailə üzvlərinə başsağlığı verilmiş, döyüş zamanı böyük hünər, rəşadət göstərərək şəhidlik zirvəsinə yüksələn Kamran Şirəliyevin xatirəsi yad edilmişdir.Görüşdə həmçinin, 2016-cı ilin Aprel döyüşlərində erməni işğalçılarının cəbhədə törətdiyi təxribatlara Azərbaycan Ordusunun verdiyi layiqli cavabdan, igid Azərbaycan əsgərinin döyüşlərdə göstərdiyi şücaətdən, bir sıra vacib yüksəkliklərin və yaşayış məntəqəsinin azad edilməsindən, qazanılan tarixi qələbədən danışılıb. Bildirilib ki, şəhidlərimizin qisası yerdə qalmayıb. 44 günlük Vətən müharibəsi zamanı Müzəffər Ali Baş Komandanımızın rəhbərliyi ilə rəşadətli Azərbaycan Ordusunun həyata keçirdiyi uğurlu döyüş əməliyyatları nəticəsində düşmənə ağır zərbələr endirilib və müharibə ordumuzun böyük qələbəsi ilə başa çatıb.
Şəhidin valideyinləri şəhidlərə və şəhid ailələrinə göstərdiyi diqqət və qayğıya görə ölkə başçısı cənab İlham Əliyevə və Birinci vitse-prezident Mehriban xanım Əliyevaya təşəkkürlərini bildiriblər.
Allah rəhmət eləsin!
Qəni Hüseynov
Ən çox oxunanlar
Son xəbərlər
