Xəzər rayonunda abadlıq-quruculuq və təmizlik işləri davam etdirilir
Baxılıb: 792 Tarix: 09-09-2025 12:48
Bakı şəhərində aparılan genişmiqyaslı abadlıq-quruculuq işləri çərçivəsində Xəzər rayonu ərazisində də abadlıq-quruculuq və yaşıllıqların salınması işləri uğurla davam etdirilir.
Belə ki, Xəzər Rayon İcra Hakimiyyətinin təşkilatçılığı ilə Rayon Mənzil Kommunal Təsərrüfatı Birliyi, qəsəbə inzibati ərazi dairəsi üzrə nümayəndəlikləri və bələdiyyələrin iştirakı ilə rayonun mərkəzi küçə və prospektlərində, əsasən Mərdəkan qəsəbəsi, S.Yesenin küçəsi, Mərdəkan-Buzovna avtomobil yolu, Şüvəlan qəsəbəsi, A.İldırım küçəsi və qəsəbə daxili küçələrdə genişmiqyaslı abadlıq-quruculuq və yaşıllıqların salınması işləri görülüb.
Görülən işlər çərçivəsində mərkəzi küçələrdə yol boyu hasarların rənglənməsi, dağılmış bardürlərin yenidən bərpa edilməsi, qəsəbə daxili dayanacaqlarda təmir işləri aparılıb, eyni zamanda yol kənarlarında yığılmış torpaq qatlarının təmizlənməsi və digər təmizlik və abadlıq işləri həyata keçirilib.
Həmçinin, yeni yaşıllıq zolaqları salınıb, o cümlədən, ağac və kollarda yaşıl budama işləri görülüb, yaşıllıqlara aqrotexniki qulluq göstərilib, ərazi alaq otlarından və tullantılardan təmizlənib.
Qəni Hüseynov
Ən çox oxunanlar
Son xəbərlər
