Xəzər Rayon İcra Hakimiyyətinin başçısı Elşən Salahovun Şağan qəsəbəsinin sakinləri ilə səyyar qəbulu keçirildi
Baxılıb: 2 863 Tarix: 23-10-2025 15:16
22 oktyabr 2025-ci il tarixində Xəzər Rayon İcra Hakimiyyətinin başçısı Elşən Salahovun Şağan qəsəbəsinin sakinləri ilə səyyar qəbulu keçirildi.
Görüşdə Rayon İcra Hakimiyyəti başçısının müavinləri, Aparatın məsul şəxsləri, bələdiyyə, inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Qəsəbə sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.
Daha sonra RİH başçısı Elşən Salahov görüşdə iştirak edən sakinlərin müraciətlərini dinləyərək S.İbrahimova küçəsində zibil konteynerlərinin qoyulması, Qazmaçılar küçəsində transformatorun yanında və H.Məmmədbəyli küçəsində qəzalı vəziyyətdə olan elektrik dirəyinin götürülməsi, 124 N-li məktəbin yaxınlığında dayanacaq quraşdırılması, H.Məmmədbəyli küçəsində yolun cari təmir edilməsi ilə bağlı köməkliyin göstərilməsi ilə əlaqədar aidiyyəti qurumlara müvafiq tapşırıqlar verdi.
Qəni Hüseynov
Ən çox oxunanlar
Son xəbərlər
