Xəzər Rayon İcra Hakimiyyətinin başçısı Elşən Salahovun rayon ərazisində vətəndaşlarla səyyar görüşlərinin keçirilməsi davam etdirilir
Bakı şəhəri Xəzər Rayon İcra Hakimiyyətinin başçısı Elşən Salahovun rayon ərazisində vətəndaşlarla səyyar görüşlərin keçirilməsi davam etdirilir.
Bu çərçivədə, 25 fevral 2026-cı il tarixində S. İbrahimov küçəsində Şağan Mədəniyyət Mərkəzində qəsəbə sakinləri ilə növbəti səyyar qəbul keçirilmişdir. Qəbulda Rayon İcra Hakimiyyəti başçısı aparatının məsul əməkdaşları, inzibati ərazi dairələri üzrə nümayəndə,bələdiyyə sədri eləcə də rayonun idarə, müəssisə və xidmət təşkilatlarının rəhbərləri iştirak etmişlər.
Tədbir zamanı vətəndaşların müraciətləri diqqətlə dinlənilmiş, qaldırılan məsələlərin qanunvericiliyin tələblərinə uyğun araşdırılması və operativ həlli məqsədilə aidiyyəti qurumlara konkret tapşırıqlar verilmişdir.
Bildirilib ki, səyyar qəbulların keçirilməsində əsas məqsəd vətəndaş müraciətlərinə yerlərdə baxılması, sosial məsələlərin həllinin sürətləndirilməsi, habelə göstərilən dövlət xidmətlərinin keyfiyyətinin daha da yüksəldilməsidir
Qəni Hüseynov
