Ramazan ayı ərəfəsində ümumrayon iftar süfrəsi Şüvəlan qəsəbəsində təşkil olunub

Təşkil olunan iftar süfrəsində Xəzər Rayon İcra Hakimiyyətinin başçısı Elşən Salahov, millət vəkili Soltan Məmmədov, RİH başçısının müavinləri və aparatın əməkdaşları, hüquq-mühafizə, idarə, müəssisə və təşkilat rəhbərləri, Qarabağ müharibəsi şəhidlərinin ailə üzvləri, müharibə əlilləri və iştirakçıları, ağsaqqallar, din xadimləri və rayon ictimaiyyətinin nümayəndələri iştirak ediblər.

İftar süfrəsində şəhidlərin əziz xatirəsi yad edilib, ölkəmizdə əmin-amanlığın və firavanlığın davamlı olması üçün dualar oxunub. Tədbir boyu birlik, həmrəylik və mənəvi dəyərlərin önəmi vurğulanıb. İştirakçılar üçün süfrələr açılıb, səmimi və mehriban mühitdə iftar edilib. Qeyd etmək lazımdır ki, bu cür tədbirlər rayon sakinləri arasında birlik və qarşılıqlı hörmətin möhkəmlənməsinə töhfə verir.

Qəni Hüseynov