Türkiyədə Beşiktaş bələdiyyəsinin sədri saxlanıldı

İstanbulun Beşiktaş rayonunun bələdiyyə sədri Rıza Akpolat Balıkesirdə saxlanılıb. 
Qanunvehedef.az xəbər verir ki, bu barədə məlumatı “Habertürk” yayıb.
Bildirilib ki, R.Akpolat İstanbulda bəzi bələdiyyələrdə sədrlərə və bələdiyyələrin rəhbər şəxslərinə rüşvət verərək tenderlər təşkil edən və bu tenderləri öz şirkətlərinin qazanmasını təmin edən dəstə ilə bağlı aparılan araşdırma çərçivəsində saxlanılıb.
O, “cinayətkar təşkilata üzv olmaq”, “saxtalaşdırma” və “qeyri-qanuni yolla əmlak əldə etmək”də ittiham edilir.
Məsələ ilə bağlı ümumilikdə 47 nəfər barəsində saxlanılma qərarı verilib.
Bununla yanaşı, şübhəli şəxslər siyahısında Esenyurtun keçmiş bələdiyyə sədri Ahmet Özer də var.
İstanbul Böyük Şəhər Bələdiyyəsinin sədri Əkrəm İmamoğlu məsələ ilə bağlı açıqlama verərək “Bələdiyyə sədrimizin yanındayıq, qanuni prosesi sona qədər izləyəcəyik” deyib.

Qanunvehedef.azшаблоны для dle 11.2