Türkiyə Dəməşq aeroportunu bərpa edir

Türkiyənin 25 nəfərdən ibarət texniki heyəti Dəməşq Hava Limanının bərpası üçün Suriyaya yola düşüb.
Qanunvehedef.az-ın Anadolu Agentliyinə istinadən xəbərinə görə, bu barədə ölkənin nəqliyyat və infrastruktur naziri Abdulkadir Uraloğlu açıqlama verib.
Bildirilib ki, Suriya hava məkanında uçuşların təhlükəsiz həyata keçirilməsini təmin etmək üçün bölgəyə 6 ədəd TIR-la 113 nəqliyyat vasitəsi, cihaz və sistem göndərilib. Bununla da bərpa prosesi ilə bağlı işlərə başlanılıb.
Qeyd edək ki, Suriyada hakimiyyət dəyişikliyindən sonra Dəməşq hava limanı yanvarın 7-də fəaliyyətini bərpa edib. Türkiyə Hava Yolları (THY) da ötən aydan Suriyaya uçuşları bərpa edib.
Xatırladaq ki, uçuşlar bərpa edilməmişdən öncə THY Suriyaya son uçuşunu 31 mart 2012-ci ildə həyata keçirib. Buna səbəb ölkədəki daxili iğtişaşların qarşısını almaq olub.

Qanunvehedef.azшаблоны для dle 11.2