125 Pakistan vətəndaşı İrandan Azərbaycana təxliyə edilib - Fotolar

125 Pakistan vətəndaşı Azərbaycan vasitəsilə İrandan təxliyə edilib. 
Qanunvehedef.az xəbər verir ki, bu barədə məlumatı Pakistanın Azərbaycandakı səfiri Qasım Mohiuddin “X” hesabında açıqlayıb.
Səfir sözügedən şəxslərin Bakıdan Lahora yola salındıqlarını bildirib:
“Pakistan xarici işlər naziri Məhəmməd İshaq Darın göstərişi ilə Pakistanın Azərbaycandakı Səfirliyi İrandan 125 vətəndaşını uğurla təxliyə edib. Bu gün onlar Bakıdan Lahora təhlükəsiz şəkildə göndərilib”.
Pakistanın XİN rəhbəri isə öz növbəsində İrandan təxliyə olunan Pakistan vətəndaşlarının qəbuluna görə Azərbaycan hökumətinə minnətdarlığını bildirib:
“Eyni zamanda, qardaşım Ceyhun Bayramova və Azərbaycan Xarici İşlər Nazirliyinə, Astara sərhəd keçid məntəqəsindəki Azərbaycanın bütün hökumət rəsmilərinə bu çətin zamanda göstərdikləri sürətli yardım üçün səmimi minnətdarlığımı bildirmək istəyirəm. Pakistan Beynəlxalq Hava Yollarına məxsus təyyarə bu gün həmin 125 nəfəri Azərbaycandan Pakistana gətirəcək”.





Qanunvehedef.azшаблоны для dle 11.2