Nikol Paşinyan MDB liderlərinin qeyri-rəsmi sammitində iştirak etməyəcək

Ermənistanın Baş naziri Nikol Paşinyan MDB liderlərinin Sankt-Peterburqda bu gün keçiriləcək qeyri-rəsmi sammitində iştirak etməyəcək.
Qanunvehedef.az xəbər verir ki, bu barədə məlumatı Paşinyan sosial şəbəkə hesablarında paylaşıb.
Bildirilib ki, buna səbəb onun bir neçə gün əvvəl koronavirusa yoluxması olub:
“MDB ölkələrinin liderlərinin bu gün Sankt-Peterburqda keçiriləcək qeyri-rəsmi sammitində iştirak etməyəcəyəm. Günün sonuna qədər Ali Avrasiya İqtisadi Şurasının sabah baş tutacaq iclasında iştirak edib-etməyəcəyimə dair qərar verəcəyəm”.
“Sputnik Ermənistan”ın məlumatına görə, koronavirusa yoluxan Paşinyan iki gün ərzində iqamətgahında karantin şəraitində işləyib. Qeyd olunub ki, bu gün onun koronavirus testi mənfi olub və o, adi iş rejiminə qayıdır.

Qanunvehedef.az