"Qarabağ"ın Çempionlar Liqasının I raundundakı ilk potensial rəqibi
Baxılıb: 144 Tarix: 01-04-2024 12:11
Azərbaycan çempionu olan "Qarabağ" 2024-25 mövsümündə Çempionlar Liqasının (ÇL) I təsnifat mərhələsində mübarizəyə qoşulacaq.
"Qafqazinfo" xəbər verir ki, Ağdam təmsilçisi püşkatma zamanı səpələnmişlərin sırasında qərarlaşacaq.
"Qarabağ"la yanaşı, ÇL-ə vəsiqəni təmin edən daha 4 komanda - HİK (Finlandiya), "Flora" (Estoniya), "Klaksvik" (Farer adaları) və "Şemrok Rovers" (İrlandiya) də güclülərin arasında olacaq.
Yalnız İslandiya təmsilçisi "Vikinqur"un səpələnməmişlərdə qərarlaşacağı dəqiqdir. Yəni Reykyavik klubu "Qarabağ"ın ilk potensial rəqibidir.
Qeyd edək ki, Çempionlar Liqasında I təsnifat mərhələsinin püşkü iyunun 18-də atılacaq.
Qanunvehedef.az
Ən çox oxunanlar
Son xəbərlər
