Kriştiano Ronaldo qol vurdu, rekord qırıldı

Portuqaliya millisinin və “Əl-Nəsr” klubunun hücumçusu Kriştiano Ronaldo yeni rekorda imza atıb. 
Qanunvehedef.az xarici mətbuata istinadən xəbər verir ki, forvard ardıcıl 23 mövsüm ən az bir qol vuran ilk futbolçu olub.
O, buna Səudiyyə Ərəbistanı Superkubokunun ikinci yarımfinalında “Əl Tavun” – “Əl-Nəsr” görüşündə nail olub.
Kriştiano 57-ci dəqiqədə fərqlənərək özünün bir, komandasının isə ikinci qolunu vurub.
Qeyd edək ki, “Əl-Nəsr” Superkubokun finalında “Əl-Hilal”la qarşılaşacaq. Oyun avqustun 17-də baş tutacaq.

Qanunvehedef.az